قلب الحياة مليان حاجات و بتفرح
ف كل مرة تقفل على نفسك
و تقول هية دي المرة
مش مكلم حد و لا حد مكلمني
و تعلن الحداد
و ترفع الرايات السودا
عندك حق ما هو إللي حصل ده مش قليل
برضه حاجة تزعل بجد
.
.
.
و يمر يوم و التاني
تشتاق للناس و الكلام معاهم
تبقى مش عايز تكلمهم
وف نفس الوقت تزعل لو بعدوا عنك
تسأل نفسك :أنا بكابر ليه
شوية شوية تبدأ تقربلهم من تاني
و فجأة تعلن إنك لغيت الحداد
إنك عدت للحياة من جديد
و ترجع تتفاءل بزرقة السما
و تحس بدفا الشمس على خدك ف عز الشتا
و تنسى كنت زعلان ليه و على إيه
بس مش مهم
المهم إن نص الكباية إللي كان فاضي
أصبح دلوقت نص مليان
مليان حب و أمل و دفا
مليان ضحك و حواديت و قلب بيبتسم
مليان فرحة و فل و ياسمين
.
.
و يرجع منير يغني
مش كل شئ بيفوت في عمرنا بيجرح
قلب الحياة مليان حاجات و بتفرح
قلب الحياة جواه بنورة مسحورة
قلب الحياة مليان أحلام صغيورة
مش كل شئ بيفوت في عمرنا بيجرح
قلب الحياة مليان حاجات و بتفرح
8comments :
مظبوط فنعم للتفاؤل ولا للتشاؤم
11:49 AM
نعم صح كدا
فنعم للتفاؤل ولا للتشاؤم
واحنا هناخد منها اه لو قفلنا ع نفسينا
مهو لازم نتحرك
طلاما نفس خارج ونفس داخل
لزم نتحرك
مشكورة ع التوبيك الجميل
11:53 AM
الحمد لله
1:13 PM
افتح بيبان الروح من تاني ع الآخر
تدخل في قلب بشوق ما يكنش له آخر
9:41 PM
كلمات جميلة
كتبتى فابدعتى
تحياتى
3:10 PM
This comment has been removed by the author.
5:05 PM
salam 3lykom
glad u liked it ;)
@ abu zeid:
mounir maloosh 7al :)))))
5:06 PM
klam gamil gedan, we 7alh kolna bnmor biha
8:54 AM
Post a Comment
<< Home