happy EGYPTIAN zalantine's
إمبارح كان يوم حنكليزي جامد جداً
:DDDDDDDDD
.
zalantine's قال إيه مصر بتحتفل بال
مناسبة أخرى لجعلك تشعر إنك حنكليز من النوع المتين أوي
بس الحمدلله من رحمة ربنا بعبيده إنه دايماً بييجي ف يوم أجازة فببقى ف بيتنا و أقضي اليوم أقرا في طوفان ميلات الحب إللي بتهل على إيميلي العزيز و أتفرج على أفلام هبلة كدة
:)
مفيش مانع نقعد بلليل أنا و أختي و أخويا و كل واحد عينه عالتاني مستنيه موبايله يرن و لا يقول أنا نازل بس مبيحصلش
ههههههههههههههههههه
.
عموماً ما علينا
happy EGYPTIAN zalantine's
الفاتحة لمصطفى أمين
posted by عروسة النيل at 12:23 PM
6comments :
اصلك مش واخده بالك ، العيد ده صناعه مصريه ، عاملينه من غير ذمه ولاضمير ، اول ماتطلع عليه الشمس لاتلاقيله شكل ولامنظر ولا حتى حد بيبص عليه ولا معبره ، كإن الناس مش واخده بالها ولاشايفاه، بالاوكسه ،
انما شوفى التانى المستورد لما بس ييجى ، كلها كام شهر ، جمال ايه وحلاوة ايه وظرف ايه ، ولا محلات الورد وزحمتها فى اليوم ده ، ما افولكيش ، ده غير الولاد والبنات فى الشوارع انما ايه قممير كده وباين عليهم العيد لما هايفط من عينيهم ، مانتى عارفه المستورد بأه.
رحمتك يارب
فقدنا الثقه فى كل شىء مصرى ونشعر بالدونيه والتقزم امام كل ما هو غربى ، بل ونتلهف على اقتنائه او التشبه به حتى لو كان يوم من السنه ربطه شخص بالمشاعر والاحاسيس واطلق عليه عيد للحب
ما المانع فى ان نعبر عن مشاعرنا فى هذه اليوم او ذاك وبفرض ان للحب عيد
لماذا اصدق ذلك الاجنبى ولا اصدق هذا المصرى ؟ بالا وكستين..يمكن يكون السبب ان التانى طلع ناصح (ماهو اجنبى) واختار 14/2 علشان بنبقى داخلين على الربيع والورد كتير ومالى الدنيا ، مش زى التانى بتاعنا اللى اختار اول الشتا تقوليش منشن ، دا حتى ياعينى تبصى على الشجر تلاقى ورقو اصفر ودبلان ونازل زى النطره على الارض ، وماتلاقيش ورقه خضره كده ولا ورده حلوه مزهزهه فى الوقت ده ، تصدقى باين انه الاولانى فالانتاين ده يعنى عندو حق ، والنبى لانا مستنى لحد يوم 14/2 ده ومن النهارده ما هاتنزل التكشيره من على وشى ولا قايل لحد صباح الخير حتى ، لغاية ما ييجى اليوم ده ، سيبك انتى المستورد وبس
على فكره .. انتى عروسة النيل ولا عروسة نهر التايمز ، اقول لك كلمتين بالبلدى كده على البوست اللى فات تردى عليا فى article باين نها مكتوبه بالانجليش مافهمتش منها حاجه ، والنبى ياشيخه تبقى تردى بالعربى علشان انا بحبها اوى اوى ، اللغه العربى طبعا علشان ماتقوليش مين دى ، وحتى لو حد تانى انتى فكرك هاقول ولا اعبر إلا لما ييجى اسمو ايه ده ..فالانتاين داى
دقيقه وراجعلك
10:57 PM
هو بالتأكيد مناسبة مش من المناسب الاحتفال بيها اساسا
بالتأكيد المنسابات المستوردة والمضروبة دى المقصود بيها التغطية على اعيادنا الحقيقة اللى المفروض الناس كلها تعرفها وتحتفل بيها بجد مش كدة وكدة
امبارح بالذات كان يوم سبيشيال فى تاريخ هذا البلد الجميل
اربعة نوفمبر بالذات كان يوم تضحية وفداء واشياء اخرى يهيلون عليها تراب النسيان
فقط لنتذكر فى هذا اليوم
جول جمال
http://www.khayma.com/brolos/text2.htm
تحياتى
10:57 PM
السلام عليكم
1- هو يوم الفالنتين أو يوم الحب (كما أحب أن أسميه و ليس عيد)مناسبة مصرية بعتز بيها جداً
2- طبعاً أعيادنا معروفة جداً و يوم الحب ده هو مجرد يوم من السنة يعبر فيه الإنسان عن حبه لأي حد
صحيح احنا نحبهم طول أيام السنة بس إيه المانع لو نخصص يوم ف السنة نبينلهم فيه حبنا بحاجة مادية مثلاً ، زيارة لطيفة و هكذا
3- قصة يوم الحب المصري بدأها الكاتب الصحفي مصطفى أمين من سنين طويلة لما قرر تخصيص يوم ف السنة يعبر فيه المصريين عن حبهم تجاه أي حد بيحبوه يعني كان اليوم ده بقصد التعبير عن الحب تجاه الأهل أو الأصدقاء كانه عيد للأسرة مثلاً بس احنا للأسف بننحدده في شخص واحد بس نعبرله عن حبنا
القصة بدأت بإن مصطفى أمين في يوم 4 نوفمبر ف يوم من الأيام شاف جنازة راجل كان مركز و كدة و مكانش ماشي وراه ف الجنازة غير اتنين باين فنزل مشي ف الجنازة و من اليوم ده قرر إنه يبقى مخصص للناس تعبر فيه عن حبها و تفتكر الناس القريبة منهم عشان ميحصلش معاهم زي ما حصل مع الراجل ده
يعني هية مكانتش موضة و لا عند في الأجانب فعملنا اليوم بتاعنا و لا أي حاجة من دي
4- واضح إن الشعب المصري لسة عنده وقت لإن امبارح شفت ورد و لعب و هدايا ، لا برلس و لا يحزنون الناس أو الحبيبة بمعنى أصح كانوا مقضينها احتفال ، لدرجة اني نزلت أشتري هدية لصديقتي بمناسبة يوم ميلادها و للأسف جبت الحاجة بضعف التمن
ميرسي ليكم
تحياتي
1:20 AM
Happy zalntine to u too :)
bs ih el 7ankliz dah ??
10:23 PM
ميرسي يا كميلة
الحنكليز ده و لا أعرفه :D
شوفي اللينك إللي تحت كدة
http://salsatoday.blogspot.com/2006/10/blog-post.html
1:00 AM
I got what u mean :)
10:51 PM
Post a Comment
<< Home