بس بذكر أديش كان جميل

عارف لما تحلم حلم جميل جداً

و تبقى مش عايز تصحى منه

إللي يغيظ بأة إنك بتصحى مش فاكر أي حاجة من الحلم

كل إللي فاكره إنه قد إيه كان جميل

.

.

بالظبط زي بني آدمين كتير بنقابلهم في حياتنا

و نعاشرهم و نعرفهم أكتر و نحبهم جداً

و نرجع نفترق زي كل شيء جميل ما بينتهي

و تمر سنين و نفضل لسة فاكرين

لا فاكرين ملامح وش و لا حتى نبرة صوت

مجرد كيان حلو و روح أحلى كنا بنحبها

المريلة كحلي

من أجمل و أحب أغاني الكينج لقلبي

ياما سمعتها و أنا صغيرة

صحيح مكنتش بحب أسمع منير أيامها

بس كنت بموت في الأغنية

بحس إنها كانت بتوصفني بالظبط

المريلة الكحلي و الضفاير الشهيرة إللي كنت بعملها

كإنها مكتوبالي مخصوص

.

كانت حاجة بتسعدني في أيام ضلمة عشتها

و ليه متكونش بالجمال ده

و إللي كتبها صلاح جاهين

و غناها و حسها قوي محمد منير

طبعاً مش عارفة دلوقتي المدارس نظامها إيه

بس أعتقد ان زمن المرايل انتهى

.

.

أم المريلة الكحلي

.
يا بنت يام المريله كحلى ،
يا شمس طلله ، و طالله م الكواله ،
لو قلت عنك فى الغزل قوله ،
ممنوع عليا ، و الا مسموح لى ؟
.
أنا احب اقول الشعر فى الحلوين ،
و الحلو اقوله : يا حلو فى عيونه ،
و لو ابتديت بشفايفك النونو ،
ما يكفنيش فيهم سبع دواوين !
يا ملاك يا جنيه ، يا ست الحسن ،
يعجبنى توهانك فى أحلامك ،
يعجببنى شد الخصر بحزامك ،
يعجبنى أخدك للكتب بالحضن .

.. .. راحوا الصبايا ، و الصايا جم ،
أجمل ما فيهم مين ، غير بنتى ؟
و أجمل ما فيكى يا بنتى ، ان أنتى ،
فى عنيكى من نينتى .. .. حنان الأم

.

صلاح جاهين

جاهينيات

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

.

.

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

.

.

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

.

.

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

و أنا لوحدي

في ضلمة الليل و سكونه

بعدما أغلقت نوافذ الوجوه

و ما بين صوت الأنفاس المنتظمة

و رجفة برد من وقت للتاني

في صمت الليل الموحش

بسأل نفسي

ليه كل الناس تنام

و انا لوحدي ..ببكي

بحبكم يا بنانيت

.

.

apple bees يوم جديد من عمري في

يوم الأربع إللي فات

انتو بجد محصلتوش يا بنات

كان يوم جنان زي يوم الخميس كدة و أحلى

.

.

.

.

بحب أوي لمتنا سوا

و نتكلم كلنا سوا في وقت واحد

و هاتك يا ضحك

قولولي بنسمع بعض إزاي أقولكم معرفش

:-D

.

أجدع حاجة في اليوم ده إنه كان متنظم كويس

و الناس كلهم كانوا كويسين

حتى العيال الغريبة إللي اكتشفنا بعدين انهم معانا برضه في الدفعة

.

.

بجد بجد عجبتني هيصتنا أوي

لمتنا و احنا بنفطر مع بعض كلنا

تهييصنا سوا بعد الفطار عند الكنبة الغريبة إللي مقضتناش طبعاً

و قعدتنا عالنيل نلعب آخر اليوم لما زهقنا من بعض

إصرار نرمين انها لازم تتصور عند البار

و نورا إللي عايزة الدي جي يشغل أغنية العنب

حرام عليكي يا شيخة كنتي هترفدي الراجل

دكتور وائل إللي فطر معانا و سلم علينا واحدة واحدة مع إنه عمره ما إداني أصلاً

إللي فوتناه أونطة عشان نقعد عالنيل ceutical درس ال

إصراري العجيب إني أفكركم إن ده آخر إفطار لينا سوا واحنا طلبة

عينيكم إللي بتوعدني إننا هنحاول نتجمع زي كدة رمضان الجاي

.

و أخيراً استقبال ماما السعيد جداً لية و أنا راجعلها زي الأمورة كدة متأخرة لأول مرة من ساعة ما عرفتكم

(متضحكوش أنا عارفة ان انتو اتهزأتو زيي لما روحتوا )

.

.

.

.

بحبكم يا عيال مصايب بتحبوني

mayooya3 :P ,gemy , 6arawa , nermo , norhan , noha , shouman , magdi , bahgat , wa7eed ,mhmoud , nora(1) , nora(2) , radwa , samar

طبعاً بناديكم بأسماء أبهاتكم عشان كلنا في سيكشن واحد تقريباً

.

.

organizers: HESHAM aslan , waleed(1) , waleed(2) , sha3ban

ميرسي جداً يا جماعة عاليوم إللي محصلش ده

.

.

.

نتقابل بعد العيد إن شاء الله

;-)

مخنوووق

وسط الناس و الزحمة موجود بس لوحدك

احساس فظيع

لما يكون حواليك ناس كتير بتحبك

بس برضه حاسس إنك لوحدك

بتتكلم معاهم و تضحك

بس مش عارف في إيه؟!!!ا

.

تقوللي إزيك؟

أرد : كويسة الحمدلله

.

بس هو أنا فعلاً كويسة !!!ا

زي ما يكون جوايا حاجة تانية معرفهاش

.

.

يمكن وحشني ماضي قديم كنت نسيته

أو مشتاقة لحلم بعيد لسة مقابلتوش

مش عارفة

عارف لما تحس إن فيه منك اتنين؟!!ا

.

.

.

إيه ده ؟!ا

حاسة إن أنا فووق ... فووووق أوي

أنا دلوقت عند سقف الأوطة

أنا شايفاني بتكلم و بضحك مع الناس أهه

بس هو أنا بضحك ليه؟!!!ا

المفروض إني أعيط

أعيط كتير

أعيط لغاية ما أتعب

و برضه مبطلش عياط

أيام الدنيا أحلى من أحلام الأغاني

اسمعني

حلوة الأحلام حقيقي

معلش يا حبيبي

لكن ما بين طريقي و بينها

بر تاني و بحور هايجة و غريقة

و انا منيش جريئة و السكة مخوفاني

أيام الدنيا أحلى من أحلام الأغاني

.

.

كلمني

إيه رأيك يا حبيبي

و لا انت مش معايا

الحلم بدايته رحلة

لكن إيه النهاية

.

.

صدقني

الدنيا أجمل من حلم يموت و يدبل

و حتى يوم ما يصدق

يصدق مع حد تاني

.

.

حنان ماضي

جناين ورد

لما تحس إنك لوحدك بين الناس

و تكلم حد بقالك كتير مسمعتش صوته

عارف لما تسمع ضحكته

.

.

الدنيا كلها تبقى جناين ورد

يوم من عمري

.

يوم من عمري

.

يوم الافطار الجماعي في الكلية
أجدع تمر هندي و كركديه و سوبيا شربتهم
أطعم بشاميل و بطاطس و سمبوسك دقتهم
أجمل صحبة قضيت معاهم وقت جميل و فطرنا سوا
و السجاد الأخضر عشان الصلاة organic مبنى
كليتنا اللي اتملت ترابيزات عليها بشر مستني الفطار
طلب و محمد فوزي اللي خرموا وداني بأغاني رمضان في المايك من الصبح
.

.

بجد رمضان في كليتنا غير
أحلى فطار هو فطار كليتنا
أجمد صحبة هما زمايلي الفارماوية

.

.

.أشوفكم في فطار يوم الأربع

.

.

lamees , marmar , viso , nemo , bobth , rasha , safsaf , rony, rimo, bosi star
.
ezzo , fat7i ,hespo , 3amr , taiso , hesham , jomaro , dots , dexter , hossam , kemoo , zigzag , 3adawi
.

.
thnx for making the day PERFECT

:( أغاني توجع القلب

.

بنلف في دواير

والدنيا تلف بينا

دايما ننتهي

لمطرح ما ابتدينا

طيور الفجر تايهة

في عتمة المدينة

بتدور

.

.

ما بنكتبش الرسايل

ما بننتظرش رد

لا حد في يوم سمعنا

و لا بنسمع حد

طيور العمر تايهة

في عتمة المدينة

بتدور

.

.

ساكنين في عالم يعشق الخطر

فيه الطيور تهرب من الشجر

و تهرب النجوم من القمر

و تهرب الوجوه من الصور

بنلف في دوايرندور ع الامان

و نلاقينا رجعنا تاني لنفس المكان

ندور

ندور

ندور

.

نحلم و نحلم

بالحياة المفرحة

و اتاري أحلامنا

بلا اجنحة

بلا اجنحة

.

ندورندورندور

بجناح حزين مكسور

ساعات نشوف في العتمة

و ساعات نتوه في النور

ساعات عيوننا بالأسي تفرح

ساعات في ساعة الفرح منوّحة
.

.

.

المبدع جداً : عبد الرحمن الأبنودي

الرائع : مروان خوري

to someone

it's not about poeple judging u
.
it's about U judging YRSELF

fly me to the moon

Fly me to the moon
Let me play among the stars
Let me see what spring is like
On Jupiter and Mars
In other words, hold my hand
In other words, baby kiss me
.
Fill my heart with song
And let me sing forevermore
You are all I long for
All I worship and adore
In other words, please be true
In other words, I love you

frank sinatra ;)

الحب هو .....ا

هو الحب حاجة زي الكيميا .. حاجة كدة بتحصل متعرفلهاش تفسير .. الحب هو إنك تحب إنسان معين لذاته مش لأي حاجة تانية .. الحب هو إنك تشوف حبيبك أجمل واحد في الدنيا .. أحلى من كل البشر .. الحب هو إنك تخاف عليه .. الحب هو إن هو يخاف عليك أكتر ما بتخاف على نفسك .. الحب هو إنه يوحشك و هو جنبك .. الحب هو إن حبيبك يبقى مالي عينيك .. الحب هو إنك تحافظ على كرامة اللي بتحبه و تحط صورته دايما أصاد عينيك .. الحب هو إنك تبقى عايز تتغير و تكون أحسن عشانه هو .. الحب هو إن ضحكة حبيبك و سعادته عندك أهم من أي حاجة تانية .. الحب هو مكالمة تلفون تجيلك في عز مانت مشغول و متضايق و تنسيك تعب الدنيا.. الحب هو حد بيقولك كل سنة و انت طيب ليلة عيد ميلادك .. الحب هو لما تحس انك قادر تواجه اي مشكلة مادام الشخص ده واقف جنبك .. الحب لما تبقى عايز تشوف حبيبك احسن واحد في الدنيا .. الحب لما حبيبك ياخد بايدك و يقربك من ربنا .. الحب لما تحس بالامان و انك ماسك الدنيا كلها بايدك .. الحب لما تدي لاللي بتحبه من غير ما يسال .. الحب هو انك تغفر لحبيبك .. الحب هو انك تسامح .. الحب لما تفهم حبيبك من نظرة عينيه .. الحب هو انك تقابل توأم روحك .. الحب لما تحس بحبيبك من غير ما يتكلم حتى و هو بعيد عنك .. الحب لما متعرفش مين بيحب التاني أكتر .. ا

.

.

الحب لما تحب واحد بيحيك

:$

أنا بس متضايق

لما تكون متغاظ من حاجة حصلت و تسكت

لما تكون متضايق من الحاجة دي و متتكلمش

بسكت عشان مش قادرة أرد

مش عارفة أرد

و لا عارفة أوصل للحد ده إني زعلانة أو متضايقة منه

.

u've got mail في فيلم

كانت ميج ريان كدة

و لما اتكلمت خسرت الانسان اللي بتحبه

.

مشكلتي إني مبعرفش أتكلم أو أوصل اللي أنا عايزاه

بعك من الآخر

و أنا مش عايزة أعك

و لا عايزة أخسر حد

.

يبقى خليني ساكتة أحسن

و أقعد أستنى الفرج

:s

la vie en rose

Quand il me prend dans ses bras
Il me parle tout bas,
Je vois la vie en rose.
.
.
Il me dit des mots d'amour,
Des mots de tous les jours,
Et ca me fait quelque chose
.
.
la vie en rose :$

يااااااه

عارف لما تفتح كتا ب بتحبه و بقالك فترة طويلة جدا مقرتهوش ؟

عارف لما تلاقي فيه صورة غالية عليك جدا و كنت بتدور عليها من زمااان ؟

.

الللللللللللله

احساس ميتوصفش

أوطتي حبيبتي

أوطتي الجميلة

قد ايه وحشاني يا أوطتي

واحشني الموكيت الأزرق

واحشني مكتبي الجميل

واحشني منظر البحر و المراكب من شباكك

واحشني العيال طالعين مدارسهم و انا شايفاهم من الشباك

واحشني باص مدرستي و أنا شايفاه من بعيد جاي قبل ما أنزله

واحشني اللمبة السهاري اللي مكنتش بنام غير عليها

واحشني سهري فيكي ايام المذاكرة والامتحانات

واحشني قعدتي فيكي بعد العصر أقرا جرايد بابا اللي خطفتهم و هو نايم

واحشني سريري الساقع لما باجي أنام فيه

واحشني بطانيتي النبيتي الناعمة جدا

واحشني أخويا النونو لما ييجي يعاكسني و أنا بذاكر

واحشني البصل و الحلبة اللي زرعاهم برة شباكك

واحشني قعدتي فيكي يا أوطتي

ا

عشر سنين منسيتكيش.. و مش هنساكي يا أوطتي

أوطتي حبيبتي .... وحشتيني يا كلك

بلوجي العزيز

ايه ده :s

هو أنا كنت قلت الأول أنا عاملة البلوج ده ليه؟

هو يعني ايه بلوج أصلاً

ا

ا

سألتني قبل كدة يعني ايه بلوج ****

لقتني بقولها هو مش سايت زي مانتي فاكرة

هو زي المصطبة بتاعتي

أقعد أرغي فيها و أحكي

و مفيش مانع أخبط دماغي في الحيط لو عايزة

المهم إني بحكي و خلاص

ا

.

مرة قبل كدة من سنين ، واحدة صاحبتنا قفشتني بكتب مذكرات

قالتلي ليه هو انتى أم كلثوم

...

...

أيوة أنا أم كلثوم دنيتي

أنا محور حياتي البسيطة و عالمي المحدود

طز فيكي

الحنكليز

مشلول

عارف الإحساس ده ،

عمرك جربت الاحساس بالشلل ؟!!!ا

مش قصدي الشلل العضوي طبعاً

و لا قصدي الشلل إللي هو ساعة ما تتنقط

أنا قصدي عالشلل إللي هو لما تكون طالع من السينما من فيلم رومانسي جميل و عجبك !!!ا

جربت الاحساس ده قبل كدة !!!ا

دايماً بحس بيه مش عارفة ليه

و المصيبة إني اكتشفت ان مش أنا لوحدي

لدرجة اني مرة قريت عنه قبل كدة على بلوج بنوتة زيي كدة

فيلم

when harry met sally , u've got mail , sleepless in seattle

( أفلامي اللي بحبها و بعشقها جداً )

الأفلام إللي هية رومانسية و بتنتهي نهايات سعيدة ، تحس كدة إنك خارج من الفيلم ..... مش عارف ...!!!ا رغم إنك سعيد

مش لان الفيلم كان وحش

و لا عشان انت متضايق

و لا عشان انت مش رومانسي

بس هو بييجي كدة!!!ا

طب دلوقت ميج ريان اتجوزت توم هانكس أو حبته كالعادة

طب انا أعمل إيه ؟!! يا فرحة قلبي

منا في الآخر هروح بيتنا لوحدي برضه

سميه بأة حقد طبقي ، هطل ، بلطجة

معرفش

المهم إنه احساس بالشلل و خلاص

أنا بقترح اسميه احساس الحنكليز

و متسألنيش يعني إيه !!ا

سؤال بقى: ا

عمرك حسيت إنك حنكليز ؟؟!!!ا

looooooooool