شوية طبطبة
.
.
زمان من زمان
كان عندي أنا موهبة
حاجة كدة...من عند ربك هبة
أخطف أنا الضحكة من وسط بحر الحزن
من وسط الألم و العجز
حتى لو كان وبا! أغلبه بفرحة صافية
لما أفتكر ضحكة صبا
أصل الحنان كان كثير... ...كان عندنا حبة دفا
شوية طبطبة راحوا...حلت مكانهم قسوة
راحت الأحضان..ماتت قلوب طيبه
أكل العناد بقايا الحنان في القلوب
عدمه...عمل عليه مأدبة!
رجيت الفرح يفضل..يقاوم..لكن أبى!
و الحب امبارح كانت جنازته
قتلوه ؛و عملوا عليه مندبة!!
حتى نور الأمل؛ داب و اختفى.. ...مات و انطفى
زي ضوء الشمعة الضعيف..خبا!
يا خسارة معاني حنونة... ..كانت بين ايدينا ف يوم
صبحت بعيدة أوي.. ..و مش قريبة!!
.
.
نهى نجدي
3comments :
أقرا كلامك ومش مهم أكون فاهم
لكنى حسيت بنفسى حزين ومش واهم...كلامك جميل يا عروسة النيل ومش عارف يا سمرة ولا مش سمرة؟!..وتكتبى " يعمل عليه مأدبة"
حقيقى..البساطة روح الجمال
3:46 AM
كلام جميل جداً
بس في الواقع هو كلام زميلة المهنة نهى نجدي
يا ريت أقدر أكتب نص الكلام ده
3:50 AM
جربوا ترجعوا الموهبه القديمة هتنسيكم كل شئ
6:05 PM
Post a Comment
<< Home