أنا بس متضايق
لما تكون متغاظ من حاجة حصلت و تسكت
لما تكون متضايق من الحاجة دي و متتكلمش
بسكت عشان مش قادرة أرد
مش عارفة أرد
و لا عارفة أوصل للحد ده إني زعلانة أو متضايقة منه
.
u've got mail في فيلم
كانت ميج ريان كدة
و لما اتكلمت خسرت الانسان اللي بتحبه
.
مشكلتي إني مبعرفش أتكلم أو أوصل اللي أنا عايزاه
بعك من الآخر
و أنا مش عايزة أعك
و لا عايزة أخسر حد
.
يبقى خليني ساكتة أحسن
و أقعد أستنى الفرج
:s
2comments :
السلام عليكم
بجد مدونتك هايلة
مش عارفة اقوم من غير ما أخلصها
مع اني عندي امتحانات
بس مش مشكلة
أى حاجة تحصل بأة,أقول (عروسة النيل) هي السبب
*************************
تعرفي انا زيك كدة مش بعرف ارد ولما برد حتى لو ما عكتش-وده نادر الحدوث- بكون زعلانة اني رديت
ولما ما بردش وانا قادرة ارد ببقى حاسة اني قوية بتكون معنوياتي مرفوعة عن لو رديت
وسبحان الله
في حديث لسيدنا محمد بيقول ( أنا زعيم ببيت في ربض الجنة لمن ترك المراء وإن كان محقا)
الحمد لله ان دي طبيعة فينا , تعالي نستغلها عشان نقول لربنا ان احنا قال يعني بنعرف نمسك نفسنا عند الغضب
4:28 PM
قال يعني ههههه
بصي يا هبة ،هو أنا بتمنى يكون ده تحكم في الغضب مش سلبية
و ميرسي على تعليقك (أنا ماليش دعوة بالامتحان )ا
:P
كل سنة و انتي طيبة
4:32 PM
Post a Comment
<< Home