بكره الشتا (3)ا
لا شيء يبعث على الابتسام أبداً
يا رب عدي الأيام دي على خير
كفاية موود الامتحانات إللي أنا فيه
متبقاش امتحانات و شتا يا رب
اللهم لا اعتراض
بس أنا مخنوقة
بكره طبقات و كتل الملابس إللي لابساها دي
صوابعي إللي بقى لونها أزرق و مش عارفة أدفيها أبداً
مجرد الاحساس بالبرد بيخنقني
مش عارفة أي عيد ده إللي الناس هتحتفل بيه في البرد
فكرة إننا ف فصل الشتا لوحدها كفيلة بقتل أي فرحة على وجه الأرض
يا رب عدي الأيام الجاية دي على خير
و عدي أصلاً فصل الشتا كله على خير
اللهم إني لا أسألك رد القضاء
و لكن أسألك اللطف في
posted by عروسة النيل at 11:43 PM
4comments :
عارفة لما الواحد بيكون بيفكر فى حد بيحبه و يخلصله و لما يكون بيفكر ان فى ناس فى الدنيا حواليه و كده و بتاع ..و الشاى الخضر كده وهو دافى كده و زى الفل و طعمة جميل ... و لاعربية الكبدة ورحيتها اللى عايزة الضرب بالنار ... متبقيش تخرجى من بتكم و ريحى نفسك فى ايام الشتا و مش كل شوية بكره الشتا بكرهالشتا طب انا بحبه و هتجوزة ... سورة مينفعش اتجوزة اصلى مرتبط
2:26 AM
صحيح اليومين اللى فاتوا كانوا مش ممكن بجد
والجو كان تلج والواحد مبيصدق يروح بيتهم ينزل تحت البطانية ميقدرش يطلع
بس برضه
بحس أن جو الشتا هو جو كل حاجة حلوة
جو الهام غير طبيعى
ريحة الجو
الغيام
المطر
والناس أذواق بقى
:D
9:27 PM
الشتا جميله و فيها دايماً بنقدر بنتغلب على البرود الى بيصيب اجسادنا و حياتنا
12:30 AM
و إزاي الواحد هيقدر ينطلق و هو محبوس تحت بطانية ، و برد الشتا خنقه مقيده
برضه بكره الشتا
:'(((((((((((((((((
11:51 AM
Post a Comment
<< Home